ເມືອງຕຸ້ມລານ ສະເຫຼີມສະຫຼອງປີທ່ອງທ່ຽວລາວ 2018 ຕິດພັນກັບງານບຸນລະປືບຂອງເຜົ່າກະຕາງ

ເມືອງຕຸ້ມລານ ແຂວງສາລະວັນ ໄດ້ໄຂພິທີສະເຫຼີມສະຫຼອງປີທ່ອງທ່ຽວລາວ 2018 ຕິດພັນກັບງານບຸນລະປືບຂອງເຜົ່າກະຕາງ, ໂດຍພາຍໃຕ້ການເປັນປະທານຂອງທ່ານ ຈັນສະໝອນ ພົມມະແສງ ເລຂາພັກເມືອງ ເຈົ້າເມືອງໆຕຸ້ມລານ, ເປັນກຽດເຂົ້າຮ່ວມຂອງທ່ານ ພູທົງ ຄໍາມະນີ້ວົງ ຮອງເຈົ້າແຂວງໆສາລະວັນ, ມີບັນດາທ່ານການນໍາຂັ້ນແຂວງ, ຂັ້ນເມືອງ ແລະເມືອງຕ່າງໆອອ້ມຂ້າງແຂວງ, ພ້ອມດ້ວຍກ້ອນກໍາລັງຈາກພາກສ່ວນທີ່ກ່ຽວຂ້ອງອ້ອມຂ້າງເມືອງເຂົ້າຮ່ວມ.
ຕະຫຼອດໄລຍະຜ່ານມາ ເມືອງຕຸ້ມລານໄດ້ຫ້າງຫາກະກຽມຄວາມພ້ອມງານຄັ້ງນີ້ ມາແຕ່ທ້າຍປີ 2017 ເປັນຕົ້ນມາ ຈົນມາຮອດວັນທີ 15 ກຸມພາ ຈຶ່ງໄດ້ໄຂຂຶ້ນຢ່າງເປັນທາງການທີ່ດີ່ນສວນສະໜາມຂອງເມືອງ ແລະ ຈະດໍາເນີນໄປຈົນເຖິງວັນທີ 17 ກຸມພາ 2018 ຈຶ່ງສໍາເລັດ, ເຊິ່ງບັນຍາກາດໃນການເປີດງານຄັ້ງນີ້ເຫັນວ່າມີຄວາມຄຶກຄື້ນມ່ວນຊື່ນ ເຕັມໄປດ້ວຍຂະບວນແຮ່ກ້ອນກໍາລັງ 10 ກ້ອນກໍາລັງ, ລວມທັງໝົດ 600 ກວ່າຄົນ ທີ່ມາຈາກຫຼາຍພາກສ່ວນ ເປັນຕົ້ນ: ກ້ອນກໍາລັງ 4 ກຸ່ມບ້ານ, ກ້ອນກໍາລັງ 10 ບ້ານອ້ອມຂ້າງເທດສະບານ, ກ້ອນກໍາລັງ 3 ເຜົ່າ, ກ້ອນກໍາລັງແມ່ຍິງ, ຊາວໜຸ່ມ, ກໍາມະບານ ແລະ ກ້ອນກໍາລັງນັກຮຽນຮູ້ປັນຍາຊົນ ພ້ອມສະແດງບົດຟ້ອນຂອງນັກຮຽນພາຍໃນເມືອງຢ່າງເປັນຂະບວນຟົດຟື້້ນ. ການສະເຫຼີມສະຫຼອງປີທ່ອງທ່ຽວຂອງເມືອງຕຸ້ມລານຄັ້ງນີ້ ຖືເປັນກິດຈະກໍາທີ່ສໍາຄັນທີ່ສຸດ ເພື່ອຊຸກຍູ້ການຈັດຕັ້ງປະຕິບັດຍຸດທະສາດການພັດທະນາວຽກງານທ່ອງທ່ຽວ ແລະເປັນພື້ນຖານປະກອບສ່ວນເຂົ້າໃສ່ການພັດທະນາເສດຖະກິດ-ສັງຄົມ, ສຸມໃສ່ພັດທະນາການທ່ອງທ່ຽວພາຍໃນເມືອງໃຫ້ມີຄວາມສາມາດດຶງດູດ ແລະ ຮອງຮັບນັກທ່ອງທ່ຽວໃນປະຈຸບັນ ແລະ ອະນາຄົດ, ສ້າງຈິດສໍານຶກ ແລະ ຍົກສູງຄວາມຮັບຮູ້ຂອງສັງຄົມ ກໍຄືປະຊາຊົນຊາວເມືອງຕຸ້ມລານ ກ່ຽວກັບບົດບາດ ແລະ ຄວາມສໍາຄັນຂອງວຽກງານທ່ອງທ່ຽວ, ສົ່ງເສີມທຸລະກິດຂະໜາດນ້ອຍ, ຂະໜາດກາງ, ຫົວໜ່ວຍຄອບຄົວ ແລະ ຂະແໜງການທີ່ກ່ຽວຂ້ອງໃຫ້ມີການພັດທະນາດີຂຶ້ນເລື້ອຍໆ, ພ້ອມນີ້ກໍຍັງເປັນການເສີມຂະຫຍາຍ ແລະ ອະນຸລັກຮັກສາມູນເຊື້ອວັດທະນະທໍາ, ຮີດຄອງປະເພນີອັນດີງາມຂອງຊາດຂອງຊົນເຜົ່າ ແລະ ທັງເປັນການໂຄສະນາປະຊາສໍາພັນທ່າແຮງດ້ານການທ່ອງທ່ຽວຂອງເມືອງສູ່ພາຍນອກ ດັ່ງຄໍາຂວັນທີ່ວ່າ:
ພາບ-ຂ່າວ ສິດຕາ ເພັດວົງສາ