ປະໂຫຍດຂອງ “ຂີງ” ທີ່ຫຼາຍຄົນອາດຍັງບໍ່ຮູ້

ຂີງເປັນສະໝຸນໄພຊະນິດໜຶ່ງທີ່ມີປະໂຫຍດຫຼາຍ ທີ່ເອົາມາປຸງແຕ່ງໃນອາຫານ, ຂີງ ຈະມີລົດຊາດເຜັດ ເຮັດໃຫ້ຫຼາຍໆຄົນບໍ່ມັກກິນ ແລະມີສັບພະຄຸນໃນການຮັກສາພະຍາດ ເຊິ່ງມີປະໂຫຍດ ທີ່ຄວນຮູ້ໄວ້ດັ່ງນີ້

_ ຫຼຸດອາການທ້ອງອືດ: ຫາກຮູ້ສຶກວ່າທ້ອງອືດ ອາຫານບໍ່ຍ່ອຍ ຄວນກິນນໍ້າຂີງ ຫຼືກິນຂີງສົດຈະເຮັດໃຫ້ຮູ້ສຶກດີ ເພາະຂີງມີສັບພະຄຸນໃນການຂັບລົມ ແລະກະຕຸ້ນການເຮັດວຽກຂອງລຳໄສ້ ເຮັດໃຫ້ອາການທ້ອງອືດຊ່ວຍຫຼຸດລົງໄດ້
_ ຊ່ວຍບັນເທົາອາການໄມເກຣນ: ການກິນຂີງໃນຕອນທີ່ເຈັບຫົວນັ້ນ ຈະຊ່ວຍໃຫ້ຄວາມເຈັບປວດຂອງອາການໄມເກຣນຫຼຸດລົງ ເພາະຂີງຈະຊ່ວຍສະກັດໂຮໂມນກ່ຽວກັບການອັກເສບ, ນອກຈາກນັ້ນ ຍັງມີການສຶກສາອື່ນ ບອກວ່າຂີງຊ່ວຍປິ່ນປົວອາການຂໍ້ອັກເສບ ເຊິ່ງພົບວ່າຜູ້ທີ່ມີອາການຂອງໂຣກຂໍ້ເຂົ່າເສື່ອມ ເມື່ອກິນຂີງຜົງຕະຫຼອດອາການເຈັບນັ້ນຈະຫຼຸດລົງ
_ ຊ່ວຍປ້ອງກັນມະເຮັງ: ຂີງມີຄຸນສົມບັດໃນການຊ່ວຍຕໍ່ຕ້ານພະຍາດມະເຮັງ ເຊິ່ງມີການສຶກສາພົບວ່າຂີງ ຊ່ວຍເຮັດໃຫ້ເຊວມະເຮັງພາຍໃນຮັງໄຂ່ຕາຍ ເພາະຂີງມີສານເຄມີທຳມະຊາດທີ່ຊ່ວຍກະຕຸ້ນເອນໄຊກລູຕາໄທໂນ-ເອສ-ທຣານສະເຟີເຣສ ເຊິ່ງເປັນສານຕ້ານອະນຸມູນອິດສະລະ ເຊິ່ງຊ່ວຍປ້ອງກັນມະເຮັງໄດ້
_ ຊ່ວຍບັນເທົາອາການປວດຮາກ: ຂີງສາມາດບັນເທົາອາການປວດຮາກໄດ້ ເຊິ່ງບາງຄົນມັກໃຊ້ຂີງຊ່ວຍບັນເທົາອາການເມົາລົດ ຫຼືເມົາເຮືອ, ນອກຈາກນີ້ ຍັງພົບວ່າຂີງຊ່ວຍປ້ອງກັນ ແລະບັນເທົາອາການອິດເມື່ອຍຫຼັງຈາກຜ່າຕັດ ແລະຍັງບັນເທົາອາການປວດຮາກ ແລະຮາກ ໃນຜູ້ປ່ວຍພະຍາດມະເຮັງທີ່ເຂົ້າຮັບບຳບັດເຄມີໄດ້
_ ຊ່ວຍຫຼຸດນໍ້າຕານໃນເລືອດ: ຊ່ວຍຫຼຸດນໍ້າຕານໃນເລືອດໄດ້ສະເພາະກັບຜູ້ທີ່ເປັນພະຍາດເບົາຫວານຊະນິດທີ 2 ແຕ່ກໍຄວນປຶກສາແພດກ່ອນຮັບປະທານຂີງຮ່ວມກັບຢາ ເພາະຂີງອາດປະຕິກິລິຍາກັບຢາ ທີ່ໃຊ້ຮັກສາໄດ້ ແລະຄວນຕິດຕາມລະດັບນໍ້າຕານຢ່າງໃກ້ຊິດ ເພາະຫາກກິນຂີງຫຼາຍເກີນໄປກໍອາດເຮັດໃຫ້ລະດັບອິນຊູລິນຫຼຸດລົງຫຼາຍເກີນໄປ ຈົນເຮັດໃຫ້ອັນຕະລາຍ